MASARAP AT MASAKIT NA ALAALA

Bawat text mo na I love you, hindi ko na nararamdaman,

Hindi ako sumagot, dahil ayokong yaring puso'y masasaktan

Ako'y nagtaka bakit magawa mo pang ako'y pagdududahan,

Na ang sarap ng usapan natin sa ilang oras na nagdaan.

Sa pagmamahal ko sayo'y alam kong hindi ako nagkukulang,

Ngunit ang pagmamahal na ito'y hindi mo napahalagahan,

Alam kong ang pag-iibigan nati'y, walang patutunguhan,

Ako'y napaisip na tutukan ko na lg ang sarili kong kapakanan.

Matanda na ako para'ng hapdi at sakit

akin pa ring yakapin,

Gusto kong maging masaya ang buhay ko at walang linilihim,

Ipagkakaloob ko na lg sa Maykapal ang bawat buhay natin,

Namnamin ko ang liwanag at iwanan ang aninong makulimlim.

Wala akong pagsisisi sa ating pinagsalohang mga  taon,

At ikaw'y lubos kong minahal sa napakatagal na panahon,

Saan man patungo ang buhay ko, saan man ito'y lalaon,

Ang masarap at masakit na alaala natin, ay lagi kong baon.

BOY

 This is a part of my Eulogy for my husband.

BOY

Sulod sa daghang mga katuigan nga kita nagkauban,

Ang Dios kanako nagalig-on, sa naangkon nga kapalaran.

Nahimo akong inahang agila nga sa kawanangan nagpataas sa lupad, 

Haron sa pagpakigbatok sa unos sa kinabuhi nga dili ako makabalibad

Sa mga katuigan nga nakipakigbisog ka sa imong sa imong balatian,

Gihupay sa Diyos ang imong mga kasakitan ug gipasaylo ang imong kalapasan.

Ikaw nagmaya luyo sa mga pag-antos ug yutan- ong mga kapait,

Kay ang atong Ginoong  Jesus nag-andam sa imong lawak didto sa langit.

Salamat nga imo akong giandam ug giumol moatabang sa hangkat sa kapalaran,

Malisod man ang akong giagian apan maisog nakong gi-asdang ang masi-ot nga kadalanan

Sa imong mga pasiaw ug mga yawyaw, sa imong pagtukaw ug mga kabalaka,

Wala nimo damha nakahimo ka ug usa ka maanindot nga pamilya.

Bisan pa man ang pamaagi sa  imong pagmahal, mga kasuko ug mga pangasaba,

Apan ang imong mga anak ug mga igsoon ikaw sa gihapon ilang pinalangga.

Dili namo makalimtan ang imong mga katawa ug mga panghayhay,

Handumon namo sa kanunay ang mga kasinatian sa kasakit ug mga kalipay.

Salamat sa  imong pagsuporta sa mga kalihokan nga akong nasugdan,

Ako kining ipadayon bisan wala na ikaw niining lumalabay'g kalibutan.

Nasayod ako nga sa kanunay imo akong iampo nga walay puas

Hilabi na nga ikaw anaa na karon sa sabakan sa atong Manluluwas

Padayon sa imong panaw,  nga walay pagkawili ug salamat sa kap-atan katuig natong panagsalo,

Dili man ang atong kaminyu-on perpekto apan sa kadaghanan ako kining gipasigarbo.

Sa Dios ako nagpasalamat, nga iyang gitugotan nga ako anaa sa imong kiliran,

Hangtod sa katapusan nimong gininhawa, ug sa kinabuhi ikaw iyang gibawian.

~ME Helen Sarita

01/28/25

BUDHI

 Sa ilang madasigong paglakbay

Paingon sa tapoktapok sa ka-barangay

Naglinya ang katawhan taliwala sa kainit

Bugas pipila ka kilo, malipayong gibitbit

Pila ka pamahaw, paniudto ug panihapon gitawid

Bugas gikan sa magbubuhis nga nag-ilaid

Pangindahay gibati namong mga nagabuhis

Ang among gantangan ulong unta apan gikalis

Ang uban igo lamang naniid sa hilom, nagpamalandong

Kaluoy sa kalag niining mga mapahimuslanon

Ana man sa katungdanan o nangandoy pa ba hinuon

Pangutan-a ang imong budhi, Ikaw ba matinudanon? 

Ayaw pahimusli ang kapubrihon sa panan-aw sa uban

Gamiton lg ninyo ang ilang boto, Aron lang kamo mabulahan

Kaugalingon pangutan-a, nga ang dungog Inyo bang madala

Bug-at ba gihapon ang inyong bulsa, kon ning kalibutan, kamo wala na?

~ME

MGA TINAGAKTAK SA ULAN

   Mga tinagaktak sa ulan    

 

Kusog kayo ang bundak sa ulan sa sayo nga kagabhion

Nanumbalik kanako ang handurawan sa kabatan-on

Nga sa diin ikaw ang kanunay nako nga ginahandom

Kumusta ka na? Susama ba ang mga gibati ta karon?

 

Nahinumdom ka ba sa mga ulan nga atong gitamasa?

Hilabihan natong gipugngan ang  bul-og sa mga luha

Kabalaka ang nagpatigbabaw sa atong mga hunahuna

Dili nato madawat kung kita pagabulagon ni Bathala

 

Apan napakyas ang tanan natong mga gipangandoy

Ang atong mga palad wala nakig-uyon  sa huyuhoy

Sa mga katuigan nga nanglabay, unsa ang ng asoy?

Asa ka man sa mga nangaging panahon nga misutoy?

 

Sa mga nanglabayng mga takna, imo bang gikalimtan?

Mga panaad natong duha imo na lg bang gipasagdan?

Apan ngano ang akong kasingkasing dili ka matalikdan

Unsa ba kining gibati, kanimo nagapos akong dughan

 

Unta madungog mo ang kusog nga mga tinagaktak  ulan

Ug makita mo ang akong panagway sa imong galamhan

Bati-on mo ang katim-os sa gugma sa akong handurawan

Tagamtamon mo sa imong galamhan, gugmang hilabihan

 

HANGKAT SA KINABUHI

 Hangkat sa Kinabuhi

Pagkayamig sa panahon niining mga taknaa

Buot akong maglukob lg maghapon sa kama

Apan aduna koy obligasyong paga-atubangon

Di nako gustong sayangon ang akong panahon

Ning kalibutan grasya sa kinabuhi pasalamatan

Dili nato mapugngan kg kanus-a kita motaliwan

Busa samtang buhi pa ta himoon nato ang tanan

Pahimuslan nato ang hangin nga atong hinulman

Apan dili kita matulin sa pagsalig sa kaugalingon

Kita binuhat lg sa atong Diyos nga Makagagahom

Ang tanan isalig nato Kaniya, atong Magbubuhat

Kay sa Iyang gingharian, Siya kanato nagahulat

Gikapoy ka na ba igsoon sa hangkat sa kinabuhi?

Nga sa atong pakigbisog, kapalaran nagdumili

Gipangutana mo ba ang atong Diyos, ug ngano?

Nga gipakatawo ta, unsa man ang Iyang plano?

Pagkalisod tubagon ning maong mga tanghaga

Pagkangitngit, kinahanglan ta'g banaag ni Bathala

Kung atoa kining palaluman dili nato matugkad

Magmumugna, pagsalig nga hugot, among ihalad

Igsoon, himo-a ang puno sa katakos mong kaayo

Lingia ang mga kalag nga nangaluya na pag-ayo

Adunay gipihigan sa ilang mga panginahanglan

Buhata unsa ang imong mahimo sa kaigsoonan

Dili man kita tul-id ug walay mga mantsa sa sala

Apan di babag nga di kita magpabanaag sa suga

Matag kasingkasing adunay nagpahipi nga kasidlak

Ablihi ang pultahan, ipakita ang gugmang nagbusilak

Sa matag pagkadagma, motindog kita ug mosikad

Di nato ibali ang mga hapdos nga garas sa samad

Dili baya nga ang tanan nga nahagbong, ningtiklaob

Pahiyom kay sa imong pagkapiang adunay mohilot

Abiabihon ang kalisod samtang kita nagaginhawa pa

Kay kini nagtimailhan sa kinabuhi kita adunay grasya

Ihangad ang ulo sa langit, tim-os nga magpasalamat

Palambo-a ang langitnong kaalam nga Iyang gihatag

~Helen Sarita

PANGINDAHAY

 Magbalak ta ug kadiyot

Kinsay ganahan mohimo ug title comment lg

Kung motiklaop na ang kangitngit

Pagkaaanindot sud-ongon ang langit

Samtang sumasalop na ang adlaw

Tagbawon ko kini sa pagtan-aw

Dinhi sa paraiso ko nga gamay

Sa duyan akong mga tiil gisanday

Gibasa ko ang mga patik sa kagahapon

Nga akong gisulat haron mahandom

Kaanindot puy-an ning maong kalibutan

Pagkatam-is makig-uban sa kahigalaan

Apan sa paglakaw kita gilimitahan

Kamingaw igo lg natong gipugngan

Pandemia anus-a ka pa mahuman?

Anus-a mahibalik ang kapanuhanan

Nga kami aduna nay kagawasan

Makita'ng mga ngabil nga gipapulahan

Helen Sarita

ASUL NGA MGA LANGIT

Thursday, March 24, 2016

ASUL NGA MGA LANGIT

ang mamingaw ug bililhon nga kahaponon nakighinabi sa walay   imik  nga  mga  langit nakighuhabilo sa nahabiling kahayag  sa adlaw kung  sa diin  ang mga  kasakit  nga  akong gihambin  naalim

ikatandi kini sa agianan sa mga anghel samtang giganoy sila paingon  sa mga naglakbay  nga mga panganod

ang pagkamakuntintohon ningpahid sa walay tingog kong mga  luha sa  dili  matukib nakong  mga  kalipay samtang gibatbat  ko  ang  mga  panid  sa mga hunghong  sa  akong kalag

pagkaanindot ning  maong  talan awon..pagkabulahan ning akong mga  mata  nga  nakasaksi niining  maong  gasa  sa kinaiyahan nga  gitagaan  akog higayon  sa  pagdayeg  ning matahom  nga  kalibutan

samtang  ako  nagpaanod  sa hangkat  sa  kinabuhi ubos ning matahom  ug  asul  nga  mga langit..